Na terytoryi Vaŭkavyskaha rajona 25—27 lutaha prachodziać kompleksnyja vučeńni pa arhanizacyi abarony nasielnictva ad nadzvyčajnych situacyj. Adpracoŭvajecca ŭzajemadziejańnie roznych słužbaŭ, arhanizacyj i viedamstvaŭ pry ŭźniknieńni NS roznaha charaktaru.
Jak paviedamlaje Hrodzienskaje abłasnoje ŭpraŭleńnie pa nadzvyčajnych situacyjach, padčas vučeńniaŭ budzie pravierany stan dziaržaŭnaj sistemy papiaredžańnia i likvidacyi NS i sistemy hramadzianskaj abarony, najaŭnaść płanaŭ asnoŭnych mierapryjemstvaŭ pa arhanizacyi funkcyjanavańnia HSNS i HA, abarony nasielnictva i terytoryj ad NS, papiaredžańni i likvidacyi NS, hramadzianskaj abarony, paŭnata i jakaść ich raspracoŭki, prymianieńnia, svoječasovaść karekciroŭki. Taksama budzie pravierana pracazdolnaść sistemy kiravańnia, suviazi i apaviaščeńnia, hatoŭnaść farmiravańniaŭ da vykanańnia zadač, ich asnaščanaść i ŭkamplektavanaść.
Płanujecca adpracoŭka šerahu ŭvodnych.
Paśla škvalistaha vietru i vypadzieńnia mokraha śniehu na terytoryi Vaŭkavyskaha rajona zarehistravany abryvy linij elektrapieradačy. U vyniku parušeńnia elektrazabieśpiačeńnia vyjšła sa stroju padstancyja, z-za čaho adklučany ad elektraenierhii šerah pradpryjemstvaŭ i žyły siektar. Paškodžany dachi žyłych damoŭ, pavalena 20 ha lesu. U suviazi z mocnym rastavańniem śniehu padtoplivajucca žyłyja damy ŭ haradskim pasiołku Krasnasielski i vioscy Vołpa. U vyniku padjomu ŭzroŭniu raki Roś stvaryłasia pahroza padtapleńnia pryvatnych domaŭładańniaŭ u inšych nasielenych punktach.
U vyniku ŭžyvańnia miasa chvoraj žyvioliny (dzika) z padazreńniem na trychinieloz da miedykaŭ źviarnulisia 15 čałaviek.
U kacielni zdaryłasia avaryja sa spynieńniem cyrkulacyi ciepłanośbita ŭ dziciačy dom, śpiecškołu i šmatkvaternyja žyłyja damy. Nieabchodna razhortvańnie punkta časovaha raźmiaščeńnia nasielnictva (100 čałaviek) u adpaviednaści z rašeńniem rajvykankama na bazie abjektaŭ hramadskaha pryznačeńnia.
Z-za avaryi ŭ vytvorčym pamiaškańni na terytoryi AAT «Vaŭkavyski miasakambinat» adbyłasia ŭciečka amijaku. Siem rabotnikaŭ atrucilisia.
U RAUS pastupiła paviedamleńnie ab miniravańni budynka.
Vybuch bytavoha hazu ŭ žyłym domie pryvioŭ da častkovaha abrušeńnia apornych kanstrukcyj. Pad zavałami znachodziacca paciarpiełyja.
Na prampradpryjemstvie adbyŭsia padpał vytvorčaha pamiaškańnia z nastupnymi razbureńniami budaŭničych kanstrukcyj, paciarpieli piać čałaviek.
U punkcie pryjomu pierakuliŭsia kantejnier z adchodami, jakija ŭtrymlivali rtuć, raźliłasia vadkaja rtuć u pamiaškańni.
U suviazi z defarmavańniem čyhunačnaha pałatna zdaryłasia sutyknieńnie dvuch ciahnikoŭ. U vyniku raźlilisia haruča-zmazačnyja materyjały. Paciarpieli 15 čałaviek.
U pracesie tušeńnia pažaru paciarpieli piać rabotnikaŭ MNS.
Asabovy skład hramadzianskich farmiravańniaŭ, jaki biare ŭdzieł u likvidacyi nastupstvaŭ nadzvyčajnych situacyj, nie atrymlivaŭ haračuju ježu na praciahu 42 hadzin.
Usie hetyja situacyi daviadziecca vyrašać ahulnymi namahańniami kirujučaha składu słužbaŭ HA rajona, arhanizacyj, terytaryjalnych hramadzianskich farmiravańniaŭ HA i abjektavych hramadzianskich farmiravańniaŭ HA.
Pa vynikach realizacyi kožnaha etapu vučeńniaŭ budzie dadziena acenka dziejańniam kiraŭnictva i niepasrednym udzielnikam.
