Hałoŭnaja pieraškoda na šlachu palapšeńnia adnosin ES i Biełarusi — heta palityčnyja źniavolenyja. Pra heta kiraŭnica pradstaŭnictva Jeŭrasajuza ŭ Biełarusi Majra Mora paviedamiła ahienctvu LETA.
Kamientujučy rašučaść Łatvii nadać novy impuls adnosinam pamiž Biełaruśsiu i ES, Majra Mora zajaviła, što adnosiny ES i Biełarusi «narmalizujucca, ale nie palapšajucca».
«Jany palepšacca tolki paśla taho, jak my prybiarem apošnija pieraškody ŭ našych adnosinach. Biełaruś zrabiła niekalki krokaŭ, ale heta vielmi maleńkija kroki», — skazała jana.
Kiraŭnica pradstaŭnictva Jeŭrasajuza ŭ Biełarusi taksama vykazała mierkavańnie, što nie varta čakać radykalnych abo rezkich źmianieńniaŭ u adnosinach.
«Niekatoryja z palitviaźniaŭ byli vyzvalenyja, niekatoryja da hetaha času adbyvajuć pakarańnie. Biełaruś pačała bolš ščylna pracavać z Radaj Jeŭropy ŭ pytańni admieny śmiarotnaha pakarańnia. U hetych momantach my ŭsio jašče nie vyjšli za ramki dyskusij, ale tym nie mienš, heta krok u pravilnym kirunku», — skazała Mora.
Hałoŭnaja ž pieraškoda na šlachu palapšeńnia adnosin ES i Biełarusi — palityčnyja źniavolenyja. «Heta toje, čaho my sapraŭdy nie možam pryniać», — padkreśliła jana.