Skrynšot cert.by
Nacyjanalny centr reahavańnia na kampjutarnyja incydenty vyjaviŭ madernizavany typ prahramy-vymahalnika, što raspaŭsiudžvaŭsia pa Biełarusi.
Praz 33 sajty prahrama masava raspaŭsiudžvałasia na kampjutary. Škodny skrypt raspaŭsiudziŭsia na 25 tysiač kampjutaraŭ za hadzinu.
Škodnaja prahrama «chavajecca» na biaskryŭdnych na pieršy pohlad sajtach: dziciačyja knihi, multfilmy, prodaž dyskaŭ i h.d. Traplaje jana i na pornasajty.
Kali karystalnik «padčepić» prahramu, jamu prapanujecca vypłacić peŭnuju sumu — biełarusam praz WebMoney, rasijskim karystalnikam praz SMS.
Kab syści z zabłakavanaj staronki, dastatkova nacisnuć Ctrl+Shift+Esc i zakryć braŭzier. Tym, chto vyrašyŭ vypłacić złamyśnikam hrošy, treba źviarnucca ŭ milicyju.
Śpiecyjalisty adnosiać vypadak da novaj tendencyi ŭ dziejnaści złamyśnikaŭ: zamiest taho, kab uzłomvać asobnych karystalnikaŭ, vykarystoŭvajucca skampramietavanyja sierviery.