Prezident Rasii Uładzimir Pucin zajaviŭ, što rašeńnie ŭkrainskich uładaŭ admovicca ad hazazabieśpiačeńnia Danbasa «papachvaje hienacydam».
Va ŭkrainskim «Naftahazie» paviedamili raniej, što pastaŭki adnoŭlenyja, ale kampanija nie budzie ich apłačvać, pakolki, na dumku Kijeva, heta supiarečyć kantraktu.
«Mała taho, što tam [u Danbasie] hoład, i biez taho ABSIE kanstatavała, što tam humanitarnaja katastrofa, dy jašče hazazabieśpiačeńnie adklučyć! Heta jak nazyvajecca? Heta ŭžo hienacydam papachvaje», — skazaŭ Pucin na pres-kanfierencyi pa vynikach pieramovaŭ z prezidentam Kipra Nikasam Anastasiadzisam.
Ukraina vyrašyła spynić pastaŭku hazu ŭ Danbas, matyvavaŭšy heta paškodžańniem hazapravodaŭ. Ułady «DNR» i «ŁNR» paviedamili raniej, što Kijeŭ vyrašyŭ całkam spynić pastaŭku hazu ŭ hetyja rehijony.
