U suviazi sa źnižeńniem patoku biełaruskich pakupnikoŭ polskija i litoŭskija handlovyja sietki razhladajuć mahčymaści pracy ŭ Biełarusi. Pra heta paviedamiŭ na pres-kanfierencyi 25 lutaha ŭ Minsku dyrektar brokierskaha padraździaleńnia kampanii Colliers International u Biełarusi Andrej Aloškin.
Pavodle jaho słoŭ, takija mahčymaści razhladaje bujny rytejler z krain Bałtyi kampanija Apranga, jakaja vałodaje 70% viadomaha handlova-zabaŭlalnaha centra «Akrapolis» u Vilniusie. «Jany pryhladajucca, razumiejučy, što hublajuć patoki», — skazaŭ ekśpiert.
Aloškin taksama zaznačyŭ, što i bujnyja polskija kampanii LPP group i Mohito «daŭno zrazumieli, što pavinny tut prysutničać». «Jany vybrali šerah prajektaŭ i razhladajuć varyjant abo vydačy franšyzy, abo pracy samastojna», — adznačyŭ ekśpiert.
Na jaho dumku, «luby sa spažyŭcoŭ paličyć za lepšaje chadzić u mahaziny ŭ Minsku, čym jechać u Polšču abo Litvu, tracić srodki na vizu i darohu, kali tut buduć hetyja brendy».
«Ciapier kožny hod adbyvajecca nasyčeńnie biełaruskaha rynku viadomymi brendami. My viali pieramovy i z takim viadomym brendam, jak Zara. Kali b nie situacyja ŭ Rasii, jany b u vieraśni hetaha hoda adkrylisia ŭ adnym z našych handlovych centraŭ», — skazaŭ jon.
Razam z tym, ličyć jon, u Biełarusi jość dobraja zamiena hetamu brendu — takija kampanii, jak Waikiki i DeFacto, jakija adkryli mahaziny ŭ HZC Galileo.
