Unian.net
Premjer-ministr Ukrainy Arsienij Jacaniuk zaklikaŭ Viarchoŭnuju Radu pravieści pazačarhovaje pasiadžeńnie dla razhladu situacyi na ŭkrainskim valutnym rynku. Pra heta Jacaniuk zajaviŭ na pasiadžeńni ŭrada.
«Ja publična źviartajusia da našych kalehaŭ u parłamiencie — pravieści pazačarhovaje pasiadžeńnie. Uvieś pakiet zakonaŭ, jaki nieabchodny dla atrymańnia finansavaj dapamohi ad MVF, jakaja pojdzie ŭ ZVR krainy, častka kab napoŭnić valutny rynak, daść mahčymaść źbić paniku [siońnia na čornym rynku hryŭnia abvaliłasia da 38 za dalar, na mižbanku — 28,00 — 32,10 hrn/dał — NN] i viarnuć kurs da zbałansavanaha, uvieś hety pakiet užo znachodzicca ŭ parłamiencie. (…) Tamu prašu parłamienckuju kaalicyju nieadkładna sabracca na pazačarhovaje pasiadžeńnie parłamienta z metaj pryniaćcia nieabchodnych zakonaŭ i razhladu pytańnia ab stabilizacyi finansavaj sistemy krainy», — zajaviŭ Jacaniuk.
Pry hetym jon adznačyŭ, što na pasiadžeńnie nieabchodna vyklikać kiraŭnika Nacbanka Ukrainy Valeryju Hontaravu. «Kab ź pieršych vusnaŭ daviedacca, jakaja zaraz situacyja na valutnym rynku», - adznačyŭ premjer.
