Źmianiajecca paradak padačy dakumientaŭ dla atrymańnia šenhienskich viz u pasolstvie Słavakii, paviedamlaje pres-słužba słavackaha dyppradstaŭnictva ŭ Minsku.
«Z 1 sakavika 2015 hoda ŭvodzicca abaviazkovaje zapaŭnieńnie zajavy na atrymańnie šenhienskaj vizy ŭ elektronnaj formie, a taksama papiaredniaje braniravańnie daty i času padačy dakumientaŭ praź internet-staronki ezov.mzv.sk/e-zov», — havorycca ŭ paviedamleńni.
Zajaŭnikam nieabchodna budzie zapoŭnić łacinskimi litarami elektronnuju vizavuju zajavu. Paśla jaje zachavańnia sistema padaje zapoŭnieny błank vizavaj ankiety z adpaviednym kodam zajavy. Zajaŭniku treba razdrukavać błank, padpisać jaho i prynieści razam ź inšymi dakumientami ŭ konsulski adździeł pasolstva Słavakii dla asabistaj padačy zajavy.
«Konsulski adździeł źviartaje ŭvahu na nieabchodnaść asabistaj prysutnaści zajaŭnikaŭ padčas padačy dakumientaŭ, — havorycca ŭ paviedamleńni. — Zapaŭnieńnie ankiety na atrymańnie vizy ŭ elektronnaj formie nie aznačaje, što zajava pryniataja da razhladu. Zajava ličycca pryniataj da razhladu tolki paśla padačy astatnich nieabchodnych dakumientaŭ i apłaty konsulskaha zboru».
Dadatkovuju infarmacyju možna atrymać na sajcie mzv.sk/minsk.