Pa dadzienych Fonda sacyjalnaha strachavańnia pry Ministerstvie sacyjalnaj abarony i pracy («Sodra») na listapad 2014 hoda, samyja nizkija zarobki ŭ Litvie atrymlivali žychary, jakija pracujuć u handlovym siektary, sielskaj haspadarcy, pasłuh pryhažości, na pradpryjemstvach hramadskaha charčavańnia.
Samyja nizkija dachody atrymlivali vuličnyja handlary niecharčovymi tavarami (135 jeŭra), ale pracadaŭcy paviedamlali tolki pra 19 takich handlaroŭ u krainie. Taksama nizki zarobak atrymlivajuć ludzi, što demanstrujuć modu (141 jeŭra), rybaki (152 jeŭra). Praŭda, i hetych rabotnikaŭ trochi — da 100.
U katehoryjach, dzie rabotnikaŭ naličvajecca bolš za 1000, samyja maleńkija zarobki — u cyrulnikaŭ (159 jeŭra), handlaroŭ u kijoskach i na rynku (191 jeŭra), niekvalifikavanych rabotnikaŭ sielskaj haspadarki (216 jeŭra), rabotnikaŭ śfiery kaśmietyki (221 jeŭra), aficyjantaŭ ( 234 jeŭra), prybiralščykaŭ (237 jeŭra), rabotnikaŭ na vypadkovych rabotach (244 jeŭra), rabotnikaŭ u śfiery raślinavodstva (249 jeŭra), barmenaŭ (251 jeŭra) i dvornikaŭ (252 jeŭra).
