U pieršym raŭndzie płej-of Kantynientalnaj chakiejnaj lihi (Kubak Haharyna) minskaje «Dynama» zhulaje ź finskim «Jokierytam».
Heta stała viadoma siońnia viečaram paśla taho, jak minskaje «Dynama» prajhrała ŭ haściach maskoŭskim adnakłubnikam ź likam 1:3.
Minčuki daterminova zaniali 5-je miesca ŭ Zachodniaj kanfierencyi i ŭ płej-of zhulajuć z 4-j kamandaj Zachadu finskim «Jokierytam», a maskoŭskaje «Dynama», što zachavała za saboj treci radok, budzie hulać z šostaj kamandaj kanfierencyi — jarasłaŭskim «Łakamatyvam».
Pieršyja dva matčy sieryi, što hulajecca da čatyroch pieramohaŭ, projduć u Chielsinski 26 i 27 lutaha. Dva matčy ŭ Minsku — 2 i 3 sakavika.
Taksama ŭ Minsku, pry patrebie, moža być zhulany matč i 7 sakavika (h.zn. šosty matč sieryi).
