U Kanbiery 24 lutaha prajšła aficyjnaja cyrymonija adkryćcia pasolstva Respubliki Biełaruś u Aŭstralijskim Sajuzie.
Jak paviedamlaje pres-słužba biełaruskaha MZS, nad budynkam pasolstva byŭ uźniaty dziaržaŭny ściah Biełarusi. Na cyrymonii prysutničali namieśniki ministraŭ zamiežnych spraŭ dźviuch krain Valancin Rybakoŭ i Ryk Uełs, pradstaŭniki aŭstralijskich dziaržaŭnych ustanoŭ i dypłamatyčnaha korpusa Kanbiery.
Biełaruś, pavodle źviestak MZS, padtrymlivaje dypłamatyčnyja adnosiny sa 174 dziaržavami i na siońnia pradstaŭlenaja zamiežnymi ŭstanovami ŭ 56 krainach. U 2014 hodzie byli adkrytyja pasolstvy Biełarusi ŭ Aŭstralii, Katary, Manholii, Pakistanie, Ekvadory i hienieralnaje konsulstva ŭ Miłanie (Italija).
U svaju čarhu ŭ Biełarusi zamiežnyja dziaržavy majuć 45 pasolstvaŭ, 4 adździaleńni pasolstvaŭ, 2 handlovyja pradstaŭnictvy, 35 konsulskich ustanoŭ (uklučajučy hanarovych konsułaŭ); mižnarodnyja arhanizacyi — 15 pradstaŭnictvaŭ. Pa sumiaščalnictvie ŭ Biełarusi akredytavanyja 88 zamiežnych dyppradstaŭnictvaŭ.
