Budynak Nacbanka z kupiury naminałam 20 biełaruskich rubloŭ
U liście kamiercyjnym bankam Nacbank patłumačyŭ, jak dziejničać i što kazać pry ŭźniknieńni prablem ź sistemaj «Raźlik», raspaviadaje TUT.BY.
Kazać «ARIP nie pracuje» ci «U ARIP adbyŭsia zboj» nie zaŭsiody karektna. Ale, jak pakazaŭ manitorynh, mienavita tak kažuć supracoŭniki bankaŭ fizičnym asobam pry samych roznych vypadkach u rabocie z Adzinaj respublikanskaj raźlikovaj sistemie.
Kali da supracoŭnika banka nie daviedzienaja aficyjnaja infarmacyja ab pierabojach u pracy sistemy «Raźlik», treba kazać, što ARIP pracuje «u štatnym režymie».
Naprykład, «Siervier CHCHCH časova niedasiažny» značyć, što prablemy mienavita na boku kampanii CHCHCH. «Asabovy rachunak adsutničaje ŭ bazie dadzienych» značyć, što infarmacyja adsutničaje ŭ pastaŭščyka pasłuh. Chutkaść pracy terminałaŭ banku i internet-bankinhu, niekarektnaje adlustravańnie staronak — usio heta nie ŭpłyvaje na funkcyjanavańnie sistemy «Raźlik», piša Nacbank.
Za vykanańniem rekamiendacyj buduć sačyć — niekarektnyja paviedamleńni rasceńvajucca jak dyskredytacyja raźlikovaj sistemy Nacbanka. Infarmacyja pra takija paviedamleńni budzie zanatoŭvacca dla ŭliku pry praviercy acenak ryzykaŭ banka.
