Biełaruskija padatkovyja orhany atrymali ŭ 2015 hodzie prava pavialičyć pamier sankcyj u dačynieńni da fizasob za niezakonnuju pradprymalnickuju dziejnaść, paviedamiŭ ministr pa padatkach i zborach Siarhiej Nalivajka ŭ svaim artykule, apublikavanym u apošnim numary časopisa «Finansy, učiet, audit».
«Šmatlikija skarhi hramadzian śviedčać pra maštabnaść dziejnaści asob bieź dziaržaŭnaj rehistracyi ŭ jakaści subjektaŭ haspadarańnia, u tym liku z vykarystańniem internet-technałohij», — adznačyŭ Nalivajka.
Pavodle danych MPZ, za 2014 hod padatkovaj słužbaj było vyjaŭlena amal šeść tysiač asob, jakija ažyćciaŭlali dziejnaść bieź dziaržaŭnaj rehistracyi, ź cieniavoha abarotu vyklučana 58 młrd rubloŭ, suma nakładzienych štrafaŭ skłała 6 młrd rubloŭ. «Padatkovyja orhany abaviazanyja spyniać sproby zaniaćcia niezakonnym biźniesam. Vypłačvać padatki sa svaich dachodaŭ — heta kanstytucyjny abaviazak kožnaha hramadzianina. Sioleta kirunak źjaŭlajecca pryjarytetnym, a značyć, vyniki pavinny być značna palepšanyja», — padkreśliŭ ministr.
U suviazi z hetym jon źviarnuŭ uvahu, što padatkovyja orhany atrymali paŭnamoctvy pavialičyć sankcyi ŭ dačynieńni da fizičnych asob, jakija zajmajucca pradprymalnickaj dziejnaściu bieź dziaržaŭnaj rehistracyi. «Z 2015 hoda padatkovyja orhany atrymali prava navat pry razavym zaniaćci fizičnaj asobaj niezarehistravanaj dziejnaściu pradjavić joj da vypłaty adziny padatak ź indyvidualnych pradprymalnikaŭ i inšych fizičnych asob u piacirazovym pamiery. Z adnaho boku, heta dadatkovyja pastupleńni, ź inšaha — surjozny ekanamičny ryčah dla lehalizacyi biźniesu», — miarkuje Nalivajka.
Pa stanie na 1 studzienia 2015 hoda ŭ Biełarusi naličvałasia 275,3 tys. indyvidualnych pradprymalnikaŭ. U 2014 hodzie było zarehistravana amal 50 tys. IP, spynili svaju dziejnaść kala 34 tys. IP.
