Fota z fejsbuka CECHa
Novaje pamiaškańnie tvorčaj prastory «Cech» mieścicca na druhim paviersie staroha zavodu pa adrasie Kastryčnickaja, 16 (kala st. m. «Pieršamajskaja»), raspaviała «Jeŭraradyjo» dyrektar «Cechu» Julija Daraškievič.
Pamiaškańnie ŭžo hatovaje da mierapryjemstvaŭ, tamu možna ličyć, što «Cech» adkryty. Vystavy pačnuć ładzicca praz dva-try tydni.
Akramia taho, da leta budzie zadziejničanaje jašče adno pamiaškańnie — vializny anhar, u jakim pakul, praŭda, vuličnaja tempieratura.
Z papiaredniaha pamiaškańnia «Cech» vysielili pa vyrašeńni ŭładalnika — BelSwissBank skasavaŭ damovu arendy z 13 lutaha. Pa słovach Daraškievič, ab pryčynach kazali «Heta ŭsio nie ad nas zaležyć». U kulturnickaj prastory ładzilisia šmatlikija vystavy, lekcyi, kancerty i prezientacyi.
