Zakonaprajekt, padrychtavany Ministerstvam kultury RF, prapanuje ŭvieści svojeasablivy aŭtarski zbor z usich karystalnikaŭ Runetu. Sumy ahučvajucca nie nadta vialikija – kala 300 rasijskich rubloŭ (siońnia kala 70 tys. biełaruskich) u hod z abanienta. Adnak, u masštabach krainy heta ŭžo kala 800-900 młn dalaraŭ.
Hetyja hrošy płanujecca pieraličvać pravaŭładalnikam, praŭda jak heta budzie adbyvacca, pakul nie ŭdakładniajecca.Taksama Minkult prapracoŭvaje pytańnie ab ilhotach dla školnikaŭ, studentaŭ, invalidaŭ i piensijanieraŭ. Ale tut jość peŭnyja jurydyčnyja niuansy: školniki, jakim prapanujecca ŭvieści lhoty, farmalna abanientami nie źjaŭlajucca, tak jak za ich dahavor zaklučajuć baćki.
Upieršyniu ź idejaj ŭvieści taki aŭtarski zbor vystupiŭ Rasijski sajuz pravaŭładalnikaŭ (jaki ŭznačalvaje režysior Mikita Michałkoŭ) minułaj vosieńniu.
Prapanova vyklikała šmat krytyki. Najbujniejšyja rasijskija internet-kampanii, u tym liku «Ukantakcie», Mail.Ru Group, «Jandeks» i «Rambler», a taksama pradstaŭniki muzyčnaj i kinaindustryi, navat napisali zvarot Pucina. Jany raskrytykavali paradak zboru srodkaŭ, prapanavany RSP. «Antypiracki padatak» vyklikaŭ krytyku nie tolki IT-kampanij, ale taksama trojki viadučych apierataraŭ suviazi (MTS, «Miehafon», «Vympiełkom») i niekatorych viedamstvaŭ, u tym liku Minekanamraźvićcia i Minkamsuviazi.
Aŭtary lista da Pucina zajavili, što inicyjatyva RSP moža nanieści škodu rasiejskim hramadzianam. Jana, na ich dumku, praduhledžvaje ŭviadzieńnie sačeńnia za internet-trafikam, što supiarečyć Kanstytucyi, a taksama parušaje abaviazacielstvy Rasii pry ustupleńni ŭ Suśvietnuju handlovuju arhanizacyju.
