U internecie źjaviŭsia klip na novuju pieśniu Ały Puhačovaj «Vajna», u jakim vykarystany kadry ździeki z ukrainskich sałdat bajevikoŭ DNR. Taksama ŭ filmie vykarystanyja kadry z mastackaha filma «Latuć žuravy».
Klip zrabili nieviadomyja ludzi. Sama ž śpiavačka tak prakamientavała svaju novuju pieśniu:
«Usiamu svoj čas. Treba śpiavać toje, što adčuvaješ. Ja naohuł, ščyra kažučy, jak ptuška… Ja nie śpiavaju, kali harmaty łupiać. A zaraz mianie začapiła ŭsio heta», — skazała jana ŭ efiry «Ruskaha radyjo».
Varta adznačyć, što Ała Puhačova nie raz krytyčna vykazvałasia pra palityčnuju situacyju ŭ Rasii i pra kiraŭnictva krainy. Jana taksama padpisałasia ŭ padtrymku muzyki Andreja Makareviča i admoviłasia prymać udzieł u kancercie 12 červienia ŭ Krymie, pryśviečanym Dniu Rasii.
