Jak paviedamlałasia ŭčora, sajt HUUS Minharvykankama zajaviŭ pra pošuk mužčyny, jakomu kasir banka pry ździajśnieńni valutna-abmiennaj apieracyi pamyłkova vydała lišnija 45 młn. rubloŭ.

Taksama było raźmieščana videa klijenta padčas jaho naviedvańnia banka.

Dziakujučy vialikamu rezanansu infarmacyi ŭ ŚMI i Internecie, asoba mužčyny ŭstanoŭlena, paviedamlaje sajt minskaj milicyi.

Užo ŭčora viečaram u milicyju pastupiła niekalki paviedamleńniaŭ ad hramadzian, jakija paznali adlustravanaha na videa mužčynu. A nieŭzabavie patelefanavaŭ i jon sam — kiraŭnik adnoj ź minskich firmaŭ.

Pavodle jaho słoŭ, u toj dzień jon pravodziŭ niekalki hrašovych apieracyj, źviazanych z dosyć bujnymi sumami. Pry ździajśnieńni abmienu valuty, a taksama pa zakančeńni abmiennaj apieracyi, hrošy nie pieraličvaŭ, miarkujučy, što kasir vydaŭ pravilnuju sumu. Pra toje, što kasir ŭ jaho dačynieńni pamyliłasia, daviedaŭsia tolki ŭčora ad znajomych, jakija ŭbačyli rolik ab vyšuku ŭ Internecie.

Biźniesmien zapeŭnivaje, što ŭ jaho nie było namieru na ździajśnieńnie supraćpraŭnych dziej, a suma nie źjaŭlajecca nastolki istotnaj, kab padmanvać niekaha abo ŭvodzić u zman.

Hrošy viernutyja ŭ poŭnym abjomie. Pradstaŭniki banka ŭ adras biznesmena nie vykazvajuć pretenzij.

Kiraŭnictva Maskoŭskaha RUUS u svaju čarhu vykazvaje ŭdziačnaść pradstaŭnikam ŚMI i internet-partałaŭ za ŭvahu da milicejskaj infarmacyi, a taksama dziakuje aktyŭnym hramadzianam, što adreahavali na infarmacyju ab vyšuku.

Клас
Панылы сорам
Ха-ха
Ого
Сумна
Абуральна