«Kala 23.00 na liniju «102» pastupiła paviedamleńnie ab nieadekvatnych pavodzinach kiroŭcy tralejbusa, zaŭvažanym na vulicy Sołtysa. Pa słovach vidavočcy, jaki patelefanavaŭ u milicyju, tralejbus na vielizarnaj chutkaści jechaŭ pa vulicy Sołtysa, abarvaŭ pravady i vyjechaŭ na sustrečnuju pałasu, — raspaviała pradstaŭnik DAI Partyzanskaha rajona Taćciana Spadabajeva. — Inśpiektary vyjechali na miesca, kab pravieryć infarmacyju».

Prybyŭšy na miesca, inśpiektary zatrymali kiroŭcu tralejbusa: pa vizualnych prykmietach adrazu stała zrazumieła, što mužčyna mocna pjany. Heta paćvierdziła miedaśviedčańnie — 2,28 pramile.

24-hadovy kiroŭca rastłumačyŭ, što na praciahu dnia piŭ harełku, a potym vyrašyŭ pierastavić tralejbus na inšaje miesca.

Na jaho było składziena niekalki administracyjnych pratakołaŭ, u tym liku i za kiravańnie ŭ stanie ałkaholnaha apjanieńnia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?