Pry kancy šumlivaje manifestacyi 10 studzienia pradprymalnickija lidery zaklikali pravieści nastupnuju akcyju pratestu a 12-j hadzinie 21 studzienia. Jany prapanavali znoŭ sabracca na Kastryčnickaj płoščy. "Mitynhu 21-ha nichto nie admianiaŭ", - zajaviŭ pradprymalnicki lider z Vuzdy Viktar Kryval.

Pakul niajasna: ci znojdziecca ŭ paniadziełak śmieły, jaki ŭźnimie ściah? Amal usie pradprymalnickija lidery apynulisia pad aryštam. Na Akreścina preventyŭna adpravili čatyry dziasiatki maładych aktyvistaŭ apazycyi. Što charakterna, 10-ha ludzi ŭ čornym asabliva palavali na asobaŭ, jakija ŭźniali nad manifestacyjaj ekanamičnaha pratestu bieł-čyrvona-biełyja štandary. Viadoma, što manifestacyja biaz fłahaŭ chutka pieratvarajecca ŭ natoŭp.

10-ha pradprymalnikaŭ padtrymała apazycyja, studenty i pensijanery. Ułady adkazali siłavymi metadami: abjadnańniu pradprymalnikaŭ i partyjam pryhrazili zakryćciom, aktyvistam - kryminalnymi spravami. Za niekalki hadzinaŭ možna budzie pabačyć, jakoje ŭździejańnie na sacyjalna niezadavolenych akazvajuć siłavyja miery.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?