Ab hetym paviedamiŭ načalnik słužby Biełhidramieteacentra Dźmitryj Rabaŭ.
«Na hetym tydni chutkaja źmiena atmaśfiernych pracesaŭ pryniasie niaŭstojlivy charaktar nadvorja: to marazy, to adlihu», — adznačyŭ jon.
U aŭtorak zachavajecca maroznaje nadvorje. Jaho ŭmovy budzie vyznačać antycykłon, sfarmiravany ŭ chałodnym arktyčnym pavietry. Apadki nie prahnazujucca. Na asobnych učastkach daroh zachavajecca hałalodzica. Tempieratura pavietra ŭnačy składzie 10-17 hradusaŭ marozu, pa paŭnočnym uschodzie — 18-20 hradusaŭ nižej za nul, u paŭdniova-zachodnich rajonach budzie 7-9 hradusaŭ marozu; udzień tempieratura składzie ad 0 da minus 6 hradusaŭ.
U noč na sieradu kraina jašče budzie znachodzicca pad kupałam chałodnaha antycykłonu. Tempieratura pavietra budzie 5-12 hradusaŭ marozu, pa paŭdniovym uschodzie - 13-15 hradusaŭ nižej za nul, biez apadkaŭ. Dniom Biełaruś apyniecca ŭ ciopłych siektarach cykłonaŭ, siudy pačnie pastupać bolš ciopłaje i vilhotnaje pavietra Bałtyki: pieravažna pa paŭnočnaj pałavinie čakajecca karotkačasovy mokry śnieh, doždž, słaby hałalod. Tempieratura pavietra składzie ad minus 3 da plus 4 hradusaŭ. Na asobnych učastkach daroh zachavajecca hałalodzica. Dniom miescami pa poŭnačy ŭzmacnieńnie vietru paryvami da 15-17 mietraŭ u siekundu.
U čaćvier pradoŭžycca asłableńnie marazoŭ: tempieratura pavietra ŭnačy budzie ad minus 6 da plus 1, pry prajaśnieńniach 7-10 hradusaŭ marozu, udzień tempieratura pavietra składzie ad minus 1 da plus 4 hradusaŭ. Na bolšaj častcy terytoryi čakajucca karotkačasovyja apadki (doždž, mokry śnieh). Miescami tuman, hałalod. Na asobnych učastkach daroh zachavajecca hałalodzica.
«U piatnicu jašče paciapleje: u krainu budzie pastupać bolš ciopłaje pavietra z paŭdniovych šyrot Jeŭropy», - padkreśliŭ Dźmitryj Rabaŭ.
U piatnicu na bolšaj častcy terytoryi prahnazujucca karotkačasovyja apadki, u asnoŭnym doždž. Miescami tuman, słaby hałalod. Unačy i ranicaj na asobnych učastkach daroh budzie hałalodzica. Tempieratura pavietra nočču składzie ad minus 3 da plus 2 hradusaŭ, dniom - 1-7 hradusaŭ ciapła.
U vychadnyja dni zachavajecca ŭpłyŭ ciopłych pavietranych mas z poŭdnia. U subotu ŭ asobnych rajonach čakajucca karotkačasovyja apadki (mokry śnieh, doždž). Miescami tuman, słaby hałalod. Unačy i ranicaj na asobnych učastkach daroh budzie hałalodzica. Tempieratura pavietra nočču składzie ad 0 da minus 6 hradusaŭ, dniom pavietra prahrejecca ad 0 da 6 hradusaŭ.
U niadzielu miescami prahnazujucca karotkačasovyja apadki (mokry śnieh, doždž), tuman, słaby hałalod. Nočču i ranicaj na asobnych učastkach daroh hałalodzica. Tempieratura pavietra ŭnačy budzie ad minus 4 da plus 3 hradusaŭ, udzień — 1-7 hradusaŭ vyšej za nul.
