Adździeł ideałahičnaj pracy, kultury i pa spravach moładzi Homielskaha harvykankama prosić hamielčukoŭ dasyłać infarmacyju, jakaja adnosicca da śfiery dziejnaści naziralnych kamisij.
Zrabić heta možna praz SMS-paviedamleńnie na karotki numar 142, ukazaŭšy pry hetym kod rajona, pra jaki idzie havorka, pastaviŭšy pačatkovuju litaru: «Č» (Čyhunačny), «N» (Navabielicki), «S» (Saviecki), «C» (Centralny).
U adździele ideałohii ŭdakładnili: pad kantrol naziralnych kamisij traplajuć adzinokija hramadzianie i hramadzianie, jakija pražyvajuć adny, niepracazdolnaha ŭzrostu, invalidy I—II niepracoŭnych hrup, šmatdzietnyja siemji, siemji, jakija vychoŭvajuć niepaŭnaletnich dziaciej i znachodziacca ŭ sacyjalna niebiaśpiečnym stanoviščy, asoby, jakija viaduć asacyjalny ład žyćcia.
«Asnoŭnymi zadačami kamisij źjaŭlajucca vyjaŭleńnie i pryniaćcie mier pa ŭstaranieńni parušeńniaŭ biaśpieki žyćciadziejnaści hramadzian, vyjaŭleńnie i prafiłaktyka pravaparušeńniaŭ i złačynstvaŭ, vyklučeńnie faktaŭ nienaležnaha dohladu za dziećmi, akazańnie sadziejničańnia ŭ pracaŭładkavańni, kansultacyja hramadzian pa pytańniach, što ich cikaviać», — adznačajuć u harvykankamie.
