U Mścisłavie ŭ noč na 13 lutaha z-za nieviadomaj pryčyny zaharełasia bujnaja pryvatnaja krama, jakaja handluje meblaj i budmateryjałami. Paciarpiełych niama.
Jak paviedamili u Mahiloŭskim abłasnym upraŭleńni MNS, infarmacyja pra pažar pastupiła pryblizna ŭ 4.00. Paśla prybyćcia pieršaha padraździaleńnia dach kramy hareŭ adkrytym połymiem.
Budynak byŭ adnapaviarchovym błočnym, mieŭ mansardny pavierch. «Mansardny pavierch płoščaj 200 kvadratnych mietraŭ i mebla, jakoj tam handlavali, zhareli poŭnaściu», — paviedamiŭ pamočnik načalnika Mahiloŭskaha abłasnoha ŭpraŭleńnia MNS Vadzim Urubleŭski, zaznačyŭšy, što pryčyny ŭzharańnia pakul ustanaŭlivajucca, adnak viadoma, što jano pajšło źvierchu.
Ahniom naniesieny ŭron i pieršamu pavierchu płoščaj 450 kvadratnych mietraŭ, dzie pradavalisia budmateryjały.
Pavodle słoŭ Urubleŭskaha, krama naležyć pryvatnaj asobie i nie była zastrachavanaja. Pravierku fakta ŭzharańnia pačaŭ Mścisłaŭski RAUS.
