Francuzskaja hrupa kampanij Accor płanuje pabudavać haścinicy ŭ Breście, Hrodnie i Barysavie, paviedamiła žurnalistam 13 lutaha ŭ Minsku namieśnik ministra zamiežnych spraŭ Alena Kupčyna paśla zakančeńnia pieršaha pasiadžeńnia sumiesnaj biełaruska-francuzskaj kamisii pa ekanamičnym supracoŭnictvie.
Pavodle jaje słoŭ, taksama kampanija razhladaje mahčymaść budaŭnictva hatela ŭ Homieli. Užo pačata budaŭnictva dvuch hatelaŭ — Novotel i Mercure — u Minsku, jakija buduć pieradadzienyja va ŭpraŭleńnie hrupie.
Hrupa Accor — viadučy suśvietny haściničny apieratar i lidar na rynku Jeŭropy, kiruje bolš jak 3.600 hatelami z ahulnym fondam 460.000 numaroŭ u 92 krainach. Dachod hrupy ŭ 2013 hodzie skłaŭ 5,536 młrd. jeŭra. U stadyi prajektavańnia i budaŭnictva znachodzicca kala 780 hatelaŭ na 139.000 numaroŭ.
Jak paviedamiła Kupčyna, u kancy minułaha hoda padpisana pahadnieńnie pamiž Bankam raźvićcia Respubliki Biełaruś i paryžskim adździaleńniem Commerzbank ab adkryćci źviazanaj kredytnaj linii na 9,9 młn. jeŭra pad strachavoje pakryćcio francuzskaha ahienctva COFACE na pastaŭku tuneleprachodčaha kompleksu dla budaŭnictva treciaj linii Minskaha mietrapalitena.
Dypłamat taksama paviedamiła, što kampanija Danone «vykazała zadavalnieńnie svajoj pracaj u Biełarusi, vysokim uzroŭniem pracoŭnych resursaŭ i ŭmovami dla viadzieńnia biźniesu, svaje namiery ab pašyreńni dziejnaści».
