Pierakład pieśni, vykananaj na navahodnim kancercie Piekinskaj internet-asacyjacyi, prapanavali New York Times i RBK:
Addana dahladajem internet kožny dzień,
Naša misija startuje razam z uschodam sonca na Uschodzie,
Inavacyi štodnia achoplivajuć usio čystaje i śvietłaje,
Jak ciopłaje soniečnaje śviatło, što kranuła našyja sercy.
Dałučajemsia da siły ŭsich žyvych istot,
Addanyja spravie pieratvareńnia suśvietnaj vioski ŭ samaje pryhožaje miesca.
Siła internetu: dzie internet, tam i zichatlivaja mara.
Siła internetu: z hłybiń dalokaha kosmasu da rodnaj chaty.
Siła internetu: skažy śvietu, što kitajskaja mara padymaje Kitaj ŭsio vyšej.
Siła internetu: ja pradstaŭlaju maju nacyju cełamu śvietu.
U hetym śviecie ŭsio reki ŭpadajuć u mora,
Padkreślivajučy mieru cyvilizacyi Kitaja.
Piać tysiač hod historyi ścisnulisia, kab aśviatlić inavacyi.
Adzinstva - čysty puls nacyjanalnaści.
My ŭsie adzinyja pamiž niebam i ziamloj.
Viera i addanaść ciakuć, jak Vialikaja Žoŭtaja raka i Janczy.
Siła internetu: dzie internet, tam i zichatlivaja mara.
Siła internetu: z hłybiń dalokaha kosmasu da rodnaj chaty.
Siła internetu: skažy śvietu, što kitajskaja mara padymaje Kitaj ŭsio vyšej.
Siła internetu: ja pradstaŭlaju maju nacyju cełamu śvietu.
Pa źviestkach New York Times, na kancercie sabralisia miedyjapiersony i top-mieniedžary internet-kampanij Kitaja. Himn staŭ samym jaskravym numaram kancertu. Videa vystupu kitajcy raźmiaščajuć na roznych kitajskich sajtach, ale himn cenzury… vydalajuć.
***
Vialiki kitajski fajervoł (aficyjna — prajekt «Załaty ščyt») jość sistemaj filtracyi infarmacyi ŭ kitajskim siehmiencie, što raspracoŭvaŭsia z 1998 hoda i byŭ uviedzieny pa ŭsioj krainie (akramia Hankonha i Makao) ŭ 2003 hodzie. Prajekt abmiažoŭvaje dostup da niekatorych zamiežnych sajtaŭ, ŚMI i sacyjalnych sietak, a siervisy kštałtu Google vymušanyja padavać «ideałahična viernuju» infarmacyju, kab praciahvać pracu ŭ krainie. Vikipiedyja ŭ Kitai pieryjadyčna całkam błakujecca. Ź niadaŭniaha času ŭ Kitai błakujucca navat VPN-siervisy. Z 1 krasavika 2015 hoda dla vykarystańnia anłajn-resursaŭ spatrebicca rehistracyja imia i paśviedčańnia asoby.
