Ministerstva abarony Ukrainy maje infarmacyju, što bajeviki na Danbasie atrymali zadańnie ad svaich lidaraŭ i kiraŭnictva Rasii zachapić Debalcava i Maryupal Danieckaj vobłaści.
Pra heta žurnalistam u Kijevie paviedamiŭ namieśnik ministra abarony Ukrainy — kiraŭnik aparata Piotr Miachied.
«Mahu skazać, što z ulikam damoŭlenaściej 00.00 15 lutaha pavinien spynicca ahoń. Sieparatysty i rasijskija vojski atrymali, pa majoj infarmacyi, zadaču padniać ściah nad Debalcavai nad Maryupalem. Adpaviedna, my čakajem eskałacyju i prymajem usie mierapryjemstvy, kab adbić hetyja ataki», zajaviŭ Miachied.
