Kiraŭnik hałoŭnaj rasijskaj navukovaj struktury, jakaja zajmajecca acenkaj i raspracoŭkaj strałkovaha ŭzbrajeńnia, abvierh raniejšyja paviedamleńni ŭradaŭcaŭ pra pryniataje rašeńnie ŭzbroić armiju RF aŭtamatam AK-12.
Rasijski žaŭnier z AK-12, fota ohrana.ru
Raniej namieśnik ministra abarony RF Jury Barysaŭ kazaŭ, što AK-12 Ižeŭskaha mašynabudaŭničaha zavoda, madernizavanaja viersija AK-74, pieramahła na konkursie šturmavuju vintoŭku AJEK-971 (A-545) raspracoŭki zavoda imia Dziehciarova ŭ Kaŭrovie.
Adnak pa słovach hienieralnaha dyrektara CNIITOČMAŠ (Centralnaha navukova-daśledčaha instytuta dakładnaha mašynabudavańnia) Dźmitryja Siamizorava, kančatkovy vybar zbroi dla rasijskaj piachoty budzie zrobleny tolki paśla ekspłuatacyi abodvuch aŭtamataŭ u vojskach na praciahu 2015 hoda.
Pra heta Siamizoraŭ skazaŭ učora ŭ efiry radyjostancyi «Recha Maskvy».
I AK-12, i A-545, adzin ź jakich musić uvajści ŭ kompleks pachodnaha ryštunku «Ratnik», prajšli dziaržaŭnyja vyprabavańni, skazaŭ Siamizoraŭ.
«Jość krytery, pa jakich lidziruje AK-12, jość krytery, pa jakich lidziruje A-545. Pryniata rašeńnie ŭziać abodva aŭtamaty ŭ ahulnavajskovuju ekspłuatacyju», — raspavioŭ jon.
AK-12 («aŭtamat Kałašnikava 2012 hoda») pa sutnaści źjaŭlajecca tym ža AK-74M, dapracavanym z punktu hledžańnia erhanomiki, a taksama zdolnym nieści dadatkovyja pryłady — pryceły, lichtary i da taho padobnaje.
AJEK-971
A-545 (AJEK-971) — šturmavaja vintoŭka, pieršaja viersija jakoj była stvoranaja jašče ŭ 1980-ch hadach i dapracoŭvałasia ŭ 1990-ja. Jana bolš składanaja, čym AK-12, ale maje lepšuju kučnaść, bo vykarystoŭvaje schiemu, jakaja ŭraŭnavažvaje addaču ad strełu za košt sustrečnaha ruchu bałansira i zatvornaj ramy. U vyniku rezka pavialičvajecca trapnaść pry stralbie čerhami.
«Ratnik» musić stać kompleksam ekipiroŭki rasijskaj piachoty novaha pakaleńnia, jon uklučaje palavuju formu z prasunutych materyjałaŭ, srodki abarony, sistemy suviazi i navihacyi, a taksama novuju strałkovuju zbroju kalibraŭ 5,45 ci 7,62 mm.
