Aleś Michalevič

Namieśnik staršyni Partyi BNF Aleś Michalevič učora źviarnuŭsia ŭ sud Savieckaha rajonu Miensku z pazovam da hazety «Sovietskaja Biełoruśsija». Palityk aburyŭsia niadaŭnim artykułam “SB” Arcioma Čaladzinskaha «Krutoj miraž». Tam pisałasia nastupnaje: «Jany (indyvidualnyja pradprymalniki – ZP), u bolšaści svajoj prostyja i dobryja ludzi, jakija nie daśviedčanyja ŭ tym, što ŭ nas nazyvajecca tonkim słovam «palityka». Tamu jany ščyra dumajuć, što Michalevič-Milinkievič, jakija ŭ žyćci nia vyraścili i tym bolš nie pradali nivodnaha viadra bulby, realna dapamohuć im u specyfičnych pradprymalnickich prablemach».

«Na leciščy majoj cieščy ŭ Kryžoŭcy, jak i ŭsie biełarusy, my štohod sadžajem bulbu. Ja, jak samy małady mužčyna ŭ siamji, prymaju ŭdzieł u spravie vyroščvańnia bulby taksama pastajanna, tamu mianie i abražajuć słovy, što ja nia vyraściŭ nivodnaha viadra bulby», – kaža A.Michalevič.

Jon źbirajecca damahacca taho, kab «Sovietskaja Biełoruśsija» nadrukavała abviaržeńnie hetaj infarmacyi na druhoj pałasie, a taksama spłaciła maralnuju kampensacyju ŭ pamiery 6160 rubloŭ – stolki kaštuje pustoje viadro dla bulby ŭ HUMie.

«Dumaju, što pieramahčy ŭ sudzie absalutna realna z hledzišča farmalnaha zakanadaŭstva, ale pahladzim, što skaža sud», – kaža Michalevič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?