Zakon «Ab uniasienni źmianieńniaŭ i dapaŭnieńniaŭ u Pracoŭny kodeks Respubliki Biełaruś» ustupić u siłu z 26 studzienia 2008 hoda. Hety narmatyŭny akt, važny dla žyćcia litaralna kožnaha hramadzianina krainy, źmiaščaje šmat navacyj. Jak śviedčyć analiz zvarotaŭ, bolšaść pytańniaŭ, što ŭznikajuć u najmalnikaŭ i rabotnikaŭ, źviazana sa źmianieńniami praciahłasci asnoŭnaha vodpusku (artykuł 155), vyklučeńniem ź dziejučaj redakcyi Pracoŭnaha kodeksa artykuła 156 «Asnoŭny padoŭžany vodpusk», a taksama źmianieńnia paradku, umoŭ pradastaŭleńnia i praciahłasci dadatkovych vodpuskaŭ za nienarmavany rabočy dzień (artykuł 158) i praciahły staž raboty (artykuł 159). Heta abumoŭlena nieabchodnaściu pryviadzieńnia asobnych umoŭ pracoŭnaha dahavora (kantrakta) z kožnym rabotnikam u adpaviednaść sa źmianieńniami pracoŭnaha zakanadaŭstva da 26 studzienia 2008 hoda i ich dakumientalnym afarmleńniem. Inesa Čyściakova nahadała, što ŭ pracoŭnyja dahavory (kantrakty), zaklučanyja ŭ piśmovaj formie, źmianienni ŭnosiacca ŭ piśmovaj formie šlacham składańnia ŭ dvuch ekzemplarach i padpisańnia bakami dadatkovaha pahadnieńnia.

Jana adznačyła, što, jak śviedčyć praktyka, u metach realizacyi normaŭ zakona najmalniki praviali peŭnuju rabotu pa papiaredžańniu rabotnikaŭ ab źmianienni ŭmoŭ pracy i prapanavali im zaklučyć dadatkovaje pahadnieńnie ab źmianieńniach niekatorych umoŭ pracoŭnaha dahavora. U hetym papiaredžanni, u pryvatnasci, skazana, što ŭ vypadku admovy rabotnika ad pradaŭžeńnia raboty ŭ suviazi sa źmianieńniem umoŭ pracy pracoŭny dahavor budzie spynieny. Heta rehłamientujecca punktam 5 artykuła 35 Pracoŭnaha kodeksa (admova ad pradaŭžeńnia raboty ŭ suviazi sa źmianieńniem istotnych umoŭ pracy). Jość vypadki, kali asobnyja rabotniki admaŭlajucca ad padpisańnia dadatkovaha pahadnieńnia i nastojvajuć na spynienni pracoŭnych adnosinaŭ.

Vydadzienaje rabotniku papiaredžańnie ab źmianienni istotnych umoŭ pracy treba razhladać jak infarmacyju ab źmianieńniach u zakanadaŭstvie i prapanovu ab padpisanni dadatkovaha pahadnieńnia.

Kali rabotnik nie padpisvaje dadatkovaje pahadnieńnie, to pracoŭnyja adnosiny z im pradaŭžajucca na ŭmovach, prapanavanych najmalnikam u dadatkovym pahadnienni ab źmianienni ŭmoŭ pracoŭnaha dahavora (kantrakta). Admova rabotnika ad padpisańnia dadatkovaha pahadnieńnia nie abaviazvaje najmalnika da spynieńnia pracoŭnych adnosinaŭ, tamu što ŭmovy pracoŭnaha dahavora (kantrakta), zasnavanyja na normach raniej dziejučaha zakanadaŭstva, straciać siłu z 26 studzienia 2008 hoda. Z hetaj daty budzie dziejničać zakanadaŭstva, jakoje inakš vyrašaje asobnyja pytanni, źviazanyja z pracoŭnymi adnosinami.

Značyć, žadańnie rabotnika spynić pracoŭnyja adnosiny z najmalnikam moža być realizavana pa padstavach, praduhledžanych, naprykład, punktami 1 («pahadnieńnie bakoŭ»), 4 («pieravod da inšaha najmalnika») artykuła 35 abo artykułam 40 («ułasnaje žadańnie rabotnika, jaki pracuje pa dahavoru, zaklučanamu na niapeŭny termin») Pracoŭnaha kodeksa, reziumavała śpiecyjalist.

Pavodle zvyazda.minsk.by, BIEŁTA

Клас
0
Панылы сорам
0
Ха-ха
0
Ого
0
Сумна
0
Абуральна
0