Na hety raz filijał Vietkaŭskaha muzieja vyrašyŭ ździvić svaich naviedvalnikaŭ vystavaj insitnaha (naiŭnaha) mastactva. I dla hetaha ŭziaŭ samuju blizkuju temu dla hetaha žanru – Raj, abo, dakładniej, vobraz Raju ŭ narodnaj tvorčaści.
A. Kiš
Naiŭnaje mastactva – heta poklič dušy mastaka-tvorcy. Toje, što nie maje dačynieńnia da strohaj navukovaj mastactvaznaŭčaj rehłamientacyi formy, kampazicyi, koleru. I ŭ toj ža čas mienavita forma, kampazicyja i koler vyznačajuć hety kirunak u mastactvie.
Na vystavie pradstaŭleny samyja roznyja formy prajaŭleńnia insitnaha mastactva: žyvapis (Savaśćianaŭ Michaił Piatrovič), rośpis dyvanoŭ (Kiš Alena Andrejeŭna, Jakunin Michaił Ivanavič), vyšyŭka kryžykam i vyšyŭka hładździu (viaskovyja majstrychi ź Vietkaŭščyny).
Svojeasablivym dapaŭnieńniem vystavy słužać narodnyja ŭjaŭleńni pra Raj, zapisanyja supracoŭnikami Vietkaŭskaha muzieja padčas ekśpiedycyj i pradstaŭlenyja dla aznajamleńnia naviedvalnikam vystavy.
Praca vystavy płanujecca da kanca sakavika 2015 hoda.
Adkryćcio vystavy adbudziecca 6 lutaha (piatnica) a 15.00 u filijale Vietkaŭskaha muzieja staraabradnictva i biełaruskich tradycyj im. F. R. Šklarava (pł. Lenina, 4).