Nabyŭ moc pryhavor u dačynieńni da 17-hadovaha žychara Baranavičaŭ za niezakonny abarot asabliva niebiaśpiečnych psichatropnych rečyvaŭ.
Jak paviedamiŭ namieśnik načalnika addzieła prakuratury Bresckaj vobłaści Alaksandr Žeška, 20 červienia 2014 hoda ŭ Baranavičach junak zbyŭ niepaŭnaletnim zdroblenaje rečyva raślinnaha pachodžańnia, u składzie jakoha ŭtrymlivalisia asabliva niebiaśpiečnyja psichatropnyja rečyvy.
Dakazany try fakty zbytu asudžanym hetaha rečyva (0,27 hrama, 0,93 hrama i 9,09 hrama), dva ź ich — na terytoryi Baranavickaha dziaržaŭnaha ŭniviersiteta.
U hety ž dzień supracoŭniki milicyi zatrymali niepaŭnaletniaha. U jaho było kanfiskavana bolš jak 20 hramaŭ takoha ž rečyva.
Sud Baranavickaha rajona i horada Baranavičy 16 śniežnia 2014 hoda pryznaŭ junaka vinavatym u niezakonnych z metaj zbytu nabyćci, zachoŭvańni i zbycie asabliva niebiaśpiečnych psichatropnych rečyvaŭ na terytoryi ŭstanovy adukacyi (č. 3 art. 328 KK) i pryhavaryŭ da dzieviaci hadoŭ pazbaŭleńnia voli z adbyvańniem pakarańnia ŭ vychavaŭčaj kałonii.
Sudovaja kalehija pa kryminalnych spravach Bresckaha abłasnoha suda 6 lutaha pakinuła pryhavor bieź źmieny. Jon nabyŭ zakonnuju moc.
Małady čałaviek nidzie nie pracavaŭ i nie vučyŭsia.
