Apošnim časam u Biełarusi ŭsio bolš stanoviacca zapatrabavanymi pasłuhi mužčyn-prastytutak, paviedamiŭ na pres-kanfierencyi 6 lutaha ŭ Minsku namieśnik načalnika hałoŭnaha ŭpraŭleńnia pa narkakantroli i supraćdziejańni handlu ludźmi MUS Siarhiej Kołtun.
Pavodle jaho słoŭ, zaraz na ŭlikach orhanaŭ unutranych spraŭ za zaniatki prastytucyjaj znachodziacca 1.950 asob, u Minsku — 860.
«Zaraz na apieratyŭnych ulikach znachodziacca prykładna 60 mužčyn za zaniatki prastytucyjaj. Pryčym heta nie tolki mužčyny, jakija prapanoŭvajuć sieksualnyja pasłuhi žančynam, ale i mužčyny, jakija akazvajuć takija pasłuhi za ŭznaharodu mužčynam», — udakładniŭ pradstaŭnik MUS.
U 2014 hodzie da adkaznaści za zaniatki prastytucyjaj pryciahnuty 1.377 čałaviek. Pakarańnie ŭ vyhladzie aryštu prymianiałasia ŭ kožnym trecim vypadku.
«Aktyvizacyja dziejnaści pravaachoŭnych orhanaŭ dazvalaje nam strymlivać maštaby raspaŭsiudžvańnia prastytucyi ŭ krainie», — zajaviŭ Kołtun.
Jon taksama paviedamiŭ, što z 81 ustanoŭlenaj achviary sieksualnaj ekspłuatacyi bolš jak 60% źviedali heta nasille na terytoryi Biełarusi.