Va ŭčorašnim vypusku u hazecie «Savieckaja Biełaruś — Biełaruś siońnia» byŭ nadrukavany na cełuju pałasu repartaž Źmitra Bartosika ź Biełastoččyny, jaki źjaviŭsia tydzień tamu na sajcie Radyjo Svaboda.
Tekst pierakładzieny na rasiejskuju movu.
Prahrama Źmitra Bartosika z seryi «Padarožžy Svabody» pryśviečanaja teroru z boku Armii Krajovaj u adnosinach da pravasłaŭnaha nasielnictva, jaki adbyvaŭsia ŭ 1940-ja hady na Biełastoččynie. U repartažy Bartosik razmaŭlaje ź miascovymi žycharami pra padziei taho času.
Daviedaŭšysia pra publikacyju na staronkach hazety Administracyi prezydenta, Źmicier Bartosik vielmi ździviŭsia:
«Bolš za 10 hadoŭ ja vandruju pa biełaruskich vioskach, dzie daju mahčymaść starym vykazać usio, što nabaleła. Za hetyja hady byli raskazanyja dziasiatki historyj pra złačynstvy savieckich partyzan, niamieckich sałdat, supracoŭnikaŭ NKVD, akupacyjnych palicejskich. Ale čamuści mienavita hety materyjał byŭ uhanaravany ŭvahaju «Biełarusi siehodnia». Ci nie tamu tolki, što kryvapijcami i nieludziami vystupajuć palaki?»
Bartosik prapanuje redakcyi «Savieckaj Biełarusi» pieradrukavać inšyja materyjały z cyklu «Padarožžy Svabody»,
«A što ž jany nie pieradrukujuć materyjał pra Bahdanaŭ ci pra Sakałoŭku? Ci nie tamu, što tema partyzanskich złačynstvaŭ — tabu ŭ «SB»? Bo tam i miesca dziejańnia Biełaruś i ŭsie dziejnyja asoby — biełarusy».
Źmicier Bartosik
