Čerap ź piačory Hoje, 3D-madel. Fota: Michael Coquerelle
Raniej mierkavałasia, što čarapy ź Piačory Hoje, Bielnija i pasielišča Jelisiejevičy, Branskaja vobłaść, Rasija, uzrostam 31680 i 13905 hod, naležać adnym ź pieršych chatnich sabak. Adpaviedna było pryniata, što vaŭki dałučylijasia da čałavieka ŭ palealicie.
Ale analiz trochvymiarovych madelaŭ čarapoŭ i ŭ pryvatnaści vačnic dy vuhła miž nosam i łbom pakazaŭ, što čarapy naležać zvyčajnym na toj čas vaŭkam, śćviardžaje bijołah Ebi Drejk, jaki z kalehami apublikavaŭ vyniki daśledavańnia ŭ časopisie Scientific Reports. Čarapy ŭzrostam blizu 7 tysiač hod tym časam paćvierdzili svaju «sabačaść».
Takim čynam, miarkuje bijołah, čałaviek davoli chutka pryručyŭ sabak. Ale niepasredna vaŭkoŭ tak chutka pryručyć nie atrymałasia by.
«Vaŭki — nadta niebiaśpiečnyja žyvioły, kab metanakiravana pryručyć ich, — miarkuje Drejk. — Chutčej za ŭsio, niejki nieznajomy nam pradstaŭnik psovych niekalki pakaleńniaŭ žyŭ pobač ź ludzbmi».
Mienavita drobnyja psovyja, a nie vialikija niebiaśpiečnyja vaŭki prybilisia da ludziej, kaža bijołah. I adbyłosia heta nie ŭ palealit, a ŭžo ŭ niealit (10-2 tysiačy hod da n.e.).
Bolšaja častka daśledavańniaŭ pryznaje čarapy z Hoje i Jelisiejevičaŭ sabačymi i navat apisvaje funkcyi sabak u vierchnim palealicie: dapamoha na palavańni, udzieł u vojnach, vykarystańnie ŭ jakaści ŭjučnych žyvioł. Drejk i kalehi śćviardžajuć, što raniej vykarystoŭvalisia niekarektnyja mietodyki analizu.
