Realny kurs ukrainskaj hryŭni na mižbankaŭskim valutnym rynku ŭ piatnicu da siaredziny tarhoŭ źniziŭsia da 25—26 hryvień za dalar z 25 hryvień za dalar pa vynikach tarhoŭ u čaćvier.
Pavodle dadzienych udzielnikaŭ rynka, realnyja kaciroŭki da 12:30 na mižbanku dasiahnuli ŭzroŭniu 26-26,5 hryŭni za dalar — novaha histaryčnaha minimumu.
Kurs hryŭni na mižbanku ŭ 2015 hodzie źniziŭsia na 27,6% — z 19 hryŭniaŭ za dalar.
Aficyjny kurs hryŭni, ustanoŭleny Nacbankam, apuściŭsia da 23 za dalar.
Padtrymlivać kurs niama čym: zołatavalutnyja reziervy źmienšylisia da 6,4 młrd. Dla paraŭnańnia: jany byli 15,4 młrd na momant uciokaŭ z krainy Viktara Janukoviča i 34 młrd pry kancy kiravańnia aranžavych siłaŭ u 2010 hodzie.
Tak Rasija šlacham uzbrojenaj ahresii, hazavaj błakady i embarha na impart ukrainskich tavaraŭ za hod pastaviła Ukrainu na miažu bankructva.
Ukrainie pahražaje defołt pa jaje mižnarodnych zabaviazańniach. Dalejšaje viadzieńnie vajny va ŭmovach finansavaha paraliču taksama stanovicca prablematyčnym.