Bank Rasii ŭstanaviŭ na 7-9 lutaha aficyjny kurs rubla da dalara na ŭzroŭni 66,04 rubla, paviedamlaje Bank Rasii.
Takim čynam, rubiel padaražeŭ da dalara na 2,57 rubla. Aficyjny kurs rubla da jeŭra pavyšany na 2,28 rubla da 75,66 rubla. Košt bivalutnaha košyka (0,55 dalara i 0,45 jeŭra) pamienšyŭsia na 2,44 rubla da 70,37 rubla.
Rynkavy kurs rubla z ranicy taksama ŭmacavaŭsia da dalara bolš, čym na 1%. Heta tłumačycca padaražeńniem nafty. U pryvatnaści, kantrakty marki Brent tarhujecca na ŭzroŭni $58,5 za barel.
Taksama na pavyšeńnie kursu rubla, jak adznačajuć analityki kampanii «Finam», pracujuć čakańni inviestaraŭ adnosna vynikaŭ sustrečy kanclera Hiermanii Anhieły Mierkiel, prezidenta Francyi Fransua Alanda z prezidentam Rasii Uładzimiram Pucinym.
«Miarkujecca, što buduć dasiahnutyja niejkija damoŭlenaści pa situacyi va Ukrainie, jakija dazvolać asłabić hieapalityčnuju napružanaść. Chutčej za ŭsio, rasijskaja valuta praciahnie ŭmacoŭvacca. U chodzie tarhoŭ vałacilnaść budzie narastać», — havorycca ŭ ahladzie kampanii.
