Ministr unutranych spravaŭ Ukrainy Arsien Avakaŭ raspavioŭ žurnalistam 5 lutaha padrabiaznaści rasśledavańnia zabojstvaŭ na Majdanie ŭ Kijevie ŭ studzieni minułaha hoda.
«Zaraz pra situacyju z «čornaj rotaj» «Bierkuta», — raspavioŭ Avakaŭ. — Jana takaja: jość zabityja ludzi — nasuprać stajała padraździaleńnie «Bierkuta», jakoje stralała. Vyznačyć, chto stralaŭ, i čyjoj kulaj kaho zabiła — heta vielmi składanaja zadača i ekśpiertyza. Jany spalili ŭsie dakumienty, kamu jakaja vydavałasia zbroju. Niekatoraja zbroja imi źniščana, častku jany śpiecyjalna pieradali ŭ Krym. U jaho składzie [Bierkuta], umoŭna kažučy, jość 20 čałaviek. Ź ich 8 aryštavana, 10 — u biahach. Dalej pačnucca ciažkija ekśpiertyzy, jakija pakažuć, z čyjoj zbroi byŭ zabity kankretny čałaviek. Voźmiem zabojstva Nihajana, Žyźnieŭskaha i Sienika.
Ich zabili z pompavaj strelby, jakaja stralaje humavymi kulami. Jak heta było zroblena: zasunuli tudy mietaličnuju kulu — i strelili. My razumiejem, što heta, chutčej za ŭsio, «Fort-500», jaki znachodziŭsia tady na ŭzbrajeńni Unutranych vojskaŭ.
Ahledzieli ŭsie hetyja strelby, vyjavili, što mietalizacyja ŭ ruli jość u takoj kolkaści … Potym robicca analiz stvała i analiz kuli…
Pa kuli, što zabiła Žyźnieŭskaha, praviedziena ŭžo 700 ekśpiertyz. I, chutčej za ŭsio, pryjdziecca pravieści jašče paŭtary tysiačy, — zaznačyŭ Avakaŭ.
.
