Śpiecyjalisty apieratara mabilnaj suviazi velcom zajmajucca vyrašeńniem prablemy niesankcyjanavanych telefanavańniaŭ z-za miažy abanientam kampanii.
Ź viečara 5 lutaha niekatorym abanientam velcom stali pastupać niesankcyjanavanyja telefanavańni z zamiežnych numaroŭ. Telefonnaja «ataka» doŭžyłasia ŭsiu noč i ranicu.
U kantakt-centry velcom paviedamili, što pa hetym pytańni zafiksavanyja masavyja zvaroty abanientaŭ. Śpiecyjalisty nastojliva rajać nie adkazvać na takija telefanavańni i nie telefanavać na numary, jakija vyznačylisia.
U pres-słužbie apieratara BiełaPAN taksama paćvierdzili fakt telefanavańniaŭ ź nieviadomych numaroŭ niekatorym abanientam kampanii. «Dadzienaja zadača našym śpiecyjalistam, vyśviatlajucca akaličnaści. Idzie zvyčajny ŭ takim vypadku praces z vyśviatleńniem, paćviardžeńniem i błakavańniem», — adznačyli ŭ pres-słužbie. Pry hetym zapeŭnili, što prablema nie maje masavaha charaktaru, a zakranuła tolki niekatorych abanientaŭ.
U kampanii velcom raźličvajuć, što prablema budzie nieŭzabavie vyrašanaja.