Vučanica druhoha kłasa z Mahilova Jeŭfrasińnia Varapajeva sabrała dla škoły rekordnuju kolkaść makułatury — 1,4 tonny! U hetym joj dapamahli baćki i babula, jakaja pracuje na rynku. Pra heta Jeŭraradyjo raspaviała maci dziaŭčynki Śviatłana Varapajeva:
«Stary kardon na rynku zvyčajna vykidajecca, ale kali ludzi pačuli pra konkurs, nam vyrašyli dapamahčy, nie stali vykidać i addali nam. My jaho zapakoŭvali i zdavali. Naša babula zdorava dapamahła. U nas inšaha nie było — kardon, u asnoŭnym».
U škole dziaŭčynku paabiacali ŭznaharodzić razam z usim kłasam. Bo hety kłas sabraŭ najbolš makułatury va ŭsioj škole.
Zbor makułatury ŭ škołach — adzin z dadatkovych, nieŭłaścivych abaviazkaŭ kłasnych kiraŭnikoŭ. Na hety vid dziejnaści skardziacca mnohija nastaŭniki sa stalicy i rehijonaŭ.