Rasijskaja Fiederalnaja słužba pa kantroli za abarotam narkotykaŭ (FSKN) zapadozryła ŭkrainskaha aliharcha Ihara Kałamojskaha ŭ datyčnaści da prodažu spajsaŭ u Rasii, bo atrymanyja ad prodažu srodki pastupali na rachunki padkantrolnaha jamu «Pryvat-banku».
«Zatrymanyja 50 aktyŭnych udzielnikaŭ złačynnaj supolnaści, jakija majuć dačynieńnie da handlu novymi psichaaktyŭnymi rečyvami, što vyklikała ŭ vieraśni 2014 hoda ŭ Chanty-Mansijskaj aŭtanomnaj akruzie — Juhry, Kiraŭskaj vobłaści i inšych rehijonach krainy masavyja atručvańni rasijanaŭ, u tym liku sa śmiarotnym vynikam», — havorycca ŭ dakumiencie.
Narkapalicejskija kanfiskavali bolš za 100 kiłahram sintetyčnych narkotykaŭ, košt jakich aceńvajecca ŭ sumu bolšuju za 800 miljonaŭ rasijskich rubloŭ.
Adznačajecca, što srodki, jakija atrymlivali handlary narkotykami, pastupali na rachunki ŭ «Pryvat-banku». Bank naležyć ukrainskamu aliharchu Iharu Kałamojskamu.
U Rasii Kałamojskaha abvinavačvajuć u zabojstvach, pieraškodach prafiesijnaj dziejnaści žurnalistaŭ i vykradańni ludziej. U pačatku lipienia 2014 Basmanny sud Maskvy ŭchvaliŭ jaho zavočny aryšt.
