Devalvacyja rasijskaha rubla zrabiła rasijskija tavary niebiaśpiečnymi dla susiednich krain. Jak stała viadoma «Kommiersantu», Kazachstan surjozna abmiarkoŭvaje zabaronu abo abmiežavańni na pastaŭki z RF tavaraŭ, jakija stali zanadta tannymi: naftapraduktaŭ, aŭtamabilaŭ, mietału, kuraciny, muki, sokaŭ i kandytarskich vyrabaŭ: ich kazachskija vytvorcy ciapier nie mohuć kankuryravać pa cenach z rasijskimi.
Dla kampanij RF pastaŭki ŭ Kazachstan nie zanadta vialiki biznes, ale padobnyja rašeńni naŭprost pahražajuć ekanamičnaj intehracyi dźviuch krain.
Siońnia pavinny adbycca kansultacyi pa vyrašeńni prablem va ŭzajemnym handli pamiž Kazachstanam i Rasijaj, paviedamili krynicy «Kommiersanta» ŭ Minsielhasie, Jeŭrazijskaj ekanamičnaj kamisii i na rynku charčovaj pradukcyi.
Pa ich słovach, Astana nastojvaje na ŭviadzieńni zabarony abo abmiežavańniaŭ na pastaŭku šerahu pradukcyi z Rasii ŭ suviazi z pahrozaj ŭnutranym rynku Kazachstana z-za devalvacyi rubla (u adnosinach da tenhie - na 47%). Havorka idzie pra naftapradukty, aŭtamabili i akumulatary dla ich, budaŭničuju armaturu, kabielna-pravadnikovuju pradukcyju, škłotaru, miasa i jajki kurycy, makaronnyja i kandytarskija vyraby, muku i soki.
Krynica ŭ Minsielhasie kaža, što pieramovy iduć užo tydzień i «dastatkovych abhruntavańniaŭ dla ŭviadzieńnia abmiežavańniaŭ nie pradstaŭlena». Statystyka Mytnaha sajuza nie paćviardžaje rezki rost impartu rasijskaj pradukcyi ŭ Kazachstan, zapeŭnivaje čynoŭnik. Ale, pryznaje jon, statystyka nie ŭličvaje drobnaaptovych partyj i abjomaŭ, što ŭvoziacca fizičnymi asobami.
