U Słucku zatrymali 19-hadovaha žychara Salihorska ŭ stanie taksičnaha apjanieńnia. Jak piša słuckaje vydańnie «Infa-Kurjer», junak dvojčy za miesiac trapiŭsia ŭ hramadskim miescy pad uździejańniem narkotykaŭ, tamu na jaho pačali kryminalnuju spravu.
Pieršy raz u nieadekvatnym stanie taksikamana złavili 10 studzienia ŭ Salihorsku. Tady milicyjanty skłali na jaho administracyjny pratakoł. A 27 studzienia jaho zatrymali ŭžo ŭ Słucku. U nieadekvatnym stanie junak siadzieŭ pasiarod darohi i niuchaŭ klej «Momant». Jak adznačajuć pravaachoŭniki, hetym salihorac stvaraŭ avaryjnuju situacyju.
Nahadajem, što novyja antanarkatyčnyja normy byli ŭviedzienyja pry kancy śniežnia Dekretam №6 Alaksandra Łukašenki. Paźniej deputaty pałaty pradstaŭnikoŭ ŭnieśli adpaviednyja źmieny ŭ Kryminalny kodeks.
Maksimalnaje pakarańnie, jakoje pahražaje chłopcu, — try miesiacy aryštu abo dva hady abmiežavańnia voli.
Darečy, salihorac stanie pieršym u krainie čałaviekam, jaki trapić pad novyja antynarkatyčnyja normy.
