Šalenstva z daŭnich časoŭ zastajecca nievylečnaj śmiarotnaj chvarobaj. U pakusanaha šalonym źvieram jość karotkaje akno času, kab źviarnucca pa miedyčnuju dapamohu, pierš čym virus ŭkaraniajecca ŭ centralnaj niervovaj sistemie, robiačy praces niezvarotnym.

Daśledčyki z Univiersiteta Džordžyi testujuć na myšach novy mietad lačeńnia, Jaki dazvalaje adužać chvarobu navat paśla raspaŭsiudžvańnia virusa ŭ mozh. Jany apublikavali svaje vysnovy ŭ the Journal of Virology. «Naša kamanda raspracavała novuju vakcynu, jakaja ratuje myšej na značna paźniejšych stadyjach chvaroby ŭ paraŭnańni z tym, što raniej ličyłasia mahčymym», — dzielicca vynikami Biao He, prafiesar kafiedry infiekcyjnych chvarob UGA College of Veterinary Medicine.

«U našych ekśpierymientach myšy, žyvioły padviarhalisia ŭździejańniu štamu virusa šalenstva, što, jak praviła, dasiahaje mozhu infikavanych myšej za try dni. Na šosty dzień myšy pačynajuć prajaŭlać vidavočnyja fizičnyja simptomy, jakija pakazvajuć, što infiekcyja stała fatalnaj.

Tym nie mienš, 50 adsotkaŭ myšej, jakija atrymlivali novuju vakcynu, vyžyli, navat paśla pačatku fizičnych simptomaŭ na šosty dzień. Heta lepšy z apisanych u litaratury vynikaŭ. Mahčyma, nieŭzabavie my zmožam skazać, što namacali pieršy krok u dapamozie ludziam z kliničnymi prajaŭleńniami šalenstva.»

Biao He i jaho kalehi raspracavali svaju vakcynu, ustaviŭšy białok ad virusa šalenstva ŭ inšy virus, viadomy jak virus parahrypu 5 abo PIV5, jaki atakuje vierchnija dychalnyja šlachi ŭ sabak, ale zusim biasškodny dla čałavieka. PIV5 vystupaje ŭ jakaści srodku dastaŭki, jaki niasie białok šalenstva da imunnaj sistemy, tak što moža stvaryć antycieły, nieabchodnyja dla baraćby ź virusam.

«Heta tolki pačatak našaj pracy», kaža Biao He. «U toj čas jak hetyja papiarednija vyniki vielmi cikavyja i sami pa sabie, my ŭpeŭnienyja, što my možam abjadnać hetuju novuju vakcynu ź inšymi mietadami lačeńnia, kab padvysić uzrovień vyžyvalnaści žyvioł, navat kali simptomy źjaŭlajucca surjoznymi».

Nahadajem stadyi raźvićcia šalenstva ŭ čałavieka. Pieršy miesiac – dva paśla ŭkusa (u zaležnaści ad miesca ŭkusa ci aślinieńnia – ad 12 dzion da navat 1 hoda, u siarednim 1-3 miesiaca) čałaviek pačuvajecca paraŭnalna niakiepska. Prykmietaj pačatku chvaroby jość padvyšeńnie tempieratury, słabaść, hałaŭny bol, jakija napačatku mohuć być prypisanyja inšaj chvarobie, boli pa chodu nervaŭ i drobnyja sutarhi ŭ ciahlicach pablizu ŭkusa (voś heta - kiepski znak, što virus idzie pa chodu nierva). Na 4-7 dzień pačynajucca mazhavyja simptomy: na fonie lichamanki (tempieratura pad 40) – tryźnieńnie i šalonaje ŭzbudžeńnie ŭ adkaz na rezki huk, jarkaje śviatło. Halucynacyi, sutarhi. Parezy ciahlic. Heta i jość fatalnyja prykmiety šalenstva. Śvietłyja pramiežki robiacca karaciejšymi, uzmacniajucca parezy, paralizujucca ruchi vokavych ciahlic, parušajecca hłytańnie – heta apošniaja stadyja. Vodabajaź (sutarhavyja skaračeńni ciahlic pry sprobie prahłynuć vadu) i piena z rotu – kłasičnyja simptomy. Śmierć prychodzić na 5-12 dzień chvaroby ad paraluša dychańnia.

Šalony źvier robicca zaraznym za 10 dzion da pieršych prykmiet chvaroby i zastajecca zaraznym da śmierci. Tolki kali vy nazirali źviera nie mienš jak 14 dzion paśla ŭkusa i nie vyjavili nijakich adchileńniaŭ u jahonym stanie – možna supakoicca.

Ale! Pry pakusach u tvar ci hałavu najlepiej nieadkładna źviarnucca pa pryščepku – spynić kurs pryščepak možna i da zakančeńnia, kali žyvioła pa vynikach nazirańnia apynułasia zdarovaj.

 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?