U Breście sud vynies pryhavor 55-hadovamu miascovamu žycharu za «ŭčynieńnie naŭmysnych dziejańniaŭ, jakija hruba parušajuć hramadski paradak i jakija vykazvajuć jaŭnuju niepavahu da hramadstva, što vyznačajecca pa svaim źmieście vyklučnym cynizmam». 

Jak paviedamiŭ BiełaPAN staršy prakuror adździeła prakuratury Bresckaj vobłaści Hienadź Bury, mužčyna z akna svajoj kvatery pakazvaŭsia aholenym pierad małaletnimi dziećmi, jakija znachodzilisia ŭ dvary doma, i demanstravaŭ im nieprystojnyja ruchi cieła. Taksama jon skidvaŭ listy papiery ź nieprystojnymi malunkami i tekstami. Časam mužčyna z metaj pryciahnuć da siabie bolš uvahi kidaŭ hrošy dzieciam, jakija tyja padbirali i zatym tracili na prysmaki. 

«Takija supraćpraŭnyja dziejańni hety hramadzianin učyniaŭ nieadnarazova z vosieni 2012 hoda pa 14 sakavika 2014 hoda. Hałoŭnym čynam u abiedzienny čas, kali dzieci viartalisia sa škoły, — dadaŭ Bury. — Supracoŭniki milicyi 14 sakavika zatrymali mužčynu. U dačynieńni da jaho raspačali kryminalnuju spravu». 

Jak zaznačyŭ Bury, praviedzienaja stacyjanarnaja kompleksnaja sudovaja psichołaha-psichijatryčnaja ekśpiertyza ŭstanaviła, što fihurant kryminalnaj spravy «nie maje jakoha-niebudź psichičnaha zachvorvańnia, razumieŭ, što jon parušaje ahulnapryniatyja praviły pavodzin, normy marali, ale tym nie mienš prajaŭlaŭ biessaromnaść». 

12 studzienia 2015 hoda sud Maskoŭskaha rajona Bresta pryznaŭ mužčynu vinavatym na padstavie č. 1 i č. 2 art. 339 KK (chulihanstva, učynienaje paŭtorna) i pryhavaryŭ da adnaho hoda i šaści miesiacaŭ pazbaŭleńnia voli ŭ kałonii ahulnaha režymu. 

«U sudzie abvinavačvany pryznaŭ svaju vinu i pakazaŭ, što ŭčyniaŭ hetyja dziejańni z metaj atrymańnia maralnaha zadavalnieńnia», — skazaŭ Bury. 

Prysud jašče nie nabyŭ moc i moža być abskardžany. 

Raniej mužčyna nie sudzimy. Na momant vyniasieńnia prysudu nidzie nie pracavaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?