Reuters.com

Reuters.com

Dziejańni Rasii parušajuć bazavyja pryncypy jeŭrapiejskaha śvietaparadku, zajaviła kancler Hiermanii ŭ pačatku svajoj pramovy na siesii «Hłabalnaja adkaznaść u ličbavym stahodździ».

Pa słovach Mierkiel, hetyja dziejańni taksama padryvajuć kaštoŭnaści, na jakich bazujecca jeŭrapiejskaje hramadstva.

«My sutyknulisia z prablemami, jakich nie čakali, — heta kanflikt pamiž Rasijaj i Ukrainaj …

Havoračy ad asoby svajho ŭrada, ja chaču dać zrazumieć, što my ličym vielmi važnaj adnu reč: tut byli parušanyja bazavyja pryncypy jeŭrapiejskaha śvietaparadku.

Anieksija Kryma — heta nie prosta niejkaja anieksija, heta vidavočnaje parušeńnie taho, što dazvalała nam žyć i suisnavać mirna paśla Druhoj suśvietnaj vajny.

Heta nieparušnaść miežaŭ i pavaha terytaryjalnaj cełasnaści».

Toje, što adbyłosia va Ukrainie, maje asablivaje značeńnie, zajaviła Mierkiel, bo taja admoviłasia ad jadziernaha arsienała ŭ abmien na harantyi suvierenitetu i terytaryjalnaj cełasnaści, jakija byli zafiksavanyja ŭ 1994 h. u Budapiešckim miemarandumie.

Harantami vystupili Vialikabrytanija, Rasija i ZŠA. Paśla taho jak Rasija parušyła hetaje pahadnieńnie, «jakaja kraina budzie hatova ŭziać prykład [Ukrainy] i admovicca ad jadziernaj zbroi», zadała pytańnie Mierkiel.

Bačačy, što adbyłosia va Ukrainie, takaja kraina paličyć, što admova ad jadziernaj zbroi «zrobić jaje słabiejšaj i bolš biezabaronnaj pierad napadam takoha rodu», skazała jana.

Ale jeŭrapiejcam paśla Druhoj suśvietnaj vajny vidavočna: u padobnaj prablemy niama vajennaha rašeńnia, tamu sankcyi suprać Rasii byli niepaźbiežnyja, zajaviła Mierkiel. Jany mohuć być źniatyja, kali buduć likvidavany pryčyny ich uviadzieńnia, «ale pakul my da hetaha nie pryjšli».

Pradstaŭniki jeŭrapiejskich krain imknucca, u tym liku ŭ «narmandskaha farmacie», znajści dypłamatyčnaje rašeńnie pytańnia. «My nie pakiniem namahańniaŭ vyrašyć situacyju va Ukrainie. Minskaje pahadnieńnie — asnova dla damoŭlenaściej», - padkreśliła Mierkiel.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?