Dziaržaŭny departamient ZŠA 30 śniežnia 2014 hoda abviaściŭ ab uviadzieńni sankcyj suprać biełaruskaha pradpryjemstva «Biełźniešpramsiervis» (BelVneshPromService) «Uviadzieńnie zachadaŭ suprać nieraspaŭsiudžańnia datyčna zamiežnych asobaŭ, uklučna z zabaronaj na zakupki ŭradam ZŠA».

Padstavaj dla hetaha rašeńnia stała zaklučeńnie ŭrada ZŠA ab parušeńni «Biełźniešpramsiervisam» pałažeńniaŭ amierykanskaha Zakona ab nieraspaŭsiudžańni ŭ dačynieńni da Irana, Paŭnočnaj Karei i Siryi.

U pryvatnaści, heta aznačaje ŭdzieł u pieradačy nazvanym krainam ci zakupkam u ich tavaraŭ, pasłuhaŭ i technałohij, jakija padlahajuć kantrolu zhodna z šeraham šmatbakovych miechanizmaŭ ekspartnaha kantrolu (Aŭstralijskaja hrupa, Vasienaarskija damoŭlenaści, Kanviencyja ab zabaronie chimičnaj zbroi, Režym kantrolu nad rakietnymi technałohijami, Hrupa jadziernych pastaŭščykoŭ) ci mohuć patencyjalna spryjać raspracoŭcy zbroi masavaha źniščeńnia ci sistemaŭ kryłatych ci balistyčnych rakiet.

Akramia «Biełźniešpramservisu» sankcyi taksama ŭviedzienyja suprać šerahu fizičnych i jurydyčnych asobaŭ ź Vieniesueły, Irana, Kitaja, Paŭnočnaj Karei, Rasii, Siryi i Sudana.

Pavodle paviedamleńnia sankcyi buduć dziejničać na praciahu dvuch hadoŭ pačynajučy z 19 śniežnia 2014 hoda. Varta adznačyć, što «Biełźniešpramsiervis» pieryjadyčna stanovicca abjektam amierykanskich sankcyj pačynajučy z 2004 hoda.

Rašeńnie praduhledžvaje nastupnyja sankcyi:

  1. Admova ad dziaržaŭnych zakupak uradam ZŠA u nazvanych u paviedamleńni asobaŭ ci zaklučeńnia ź imi kantraktaŭ, za vyklučeńniem rašeńniaŭ dziaržaŭnaha sakratara ZŠA.
  2. Admova ad vydzialeńnia dapamohi ŭrada Złučanych Štataŭ nazvanym asobam, za vyklučeńniem rašeńniaŭ dziaržaŭnaha sakratara ZŠA.
  3. Zabaraniajecca prodaž nazvanym asobam artykułaŭ z aficyjnaha Pieraliku bojeprypasaŭ ZŠA i prodaž lubych tavaraŭ i pasłuhaŭ abarončaha pryznačeńnia zhodna z Zakonam ab kantroli nad ekspartam uzbrajeńniaŭ.
  4. Zabarona pieradavać vyraby, što kantralujucca Zakonam ZŠA ab rehulavańni ekspartu 1979 hoda ci Praviłami rehulavańnia ekspartu.

Admietna, što ni biełaruski, ni amierykanski ŭrad da hetaha času nie zrabili publičnych paviedamleńniaŭ pa pytańni sankcyj suprać «Biełźniešpramsiervisu».

Amal adnačasova biełaruski «Trastbank» abviaściŭ, što 15 śniežnia 2014 hoda ZŠA admianili sankcyi, jakija byli ŭviedzienyja suprać hetaha banka ŭ suviazi z admyvańniem hrošaŭ u 2004 hodzie. U tyja časy jon nazyvaŭsia «Infabank». Adnak ni sajt Fiederalnaha rehistru ZŠA, ni sajt Ahienctva pa baraćbie ź finansavymi złačynstvami ministerstva finansaŭ ZŠA nie padajuć infarmacyi, pra jakuju havorycca ŭ paviedamleńni «Trastbanku».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?