Prahrama «U sajuz ź siabrami», jakuju nazyvajuć sacyjalnaj sietkaj, karektniej nazyvać hieałakataram z funkcyjami mesendžara. Dla dostupu ŭ «U sajuz ź siabrami» treba mieć akaŭnt u rasijskaj sacsietcy «UKantakcie», adtul prahrama biare śpis siabroŭ. Taksama na smartfonie pavinna być dazvolenaja hieałakacyja.

Prahrama pakazvaje bližejšych siabroŭ i dazvalaje vieści ź imi pierapisku praz «UKantakcie».

Takim čynam možna trymać suviaź padčas pracy ci navučańnia, nie zhubić siabra z BRSM padčas masavych mierapryjemstvaŭ. Pa słovach adnaho z raspracoŭščyka Paŭła Bacyleva, «siervis dapamoža abjadnać biełaruskuju moładź, nie dazvolić uciahnuć padletkaŭ u destruktyŭnyja abjadnańni», piša BIEŁTA.

Źleva: uvachod praz «UKantakcie». Pa centry: vakoł nul siabroŭ, što nie dziŭna dla aŭtara, jaki pieravažna karystajecca Facebook. Sprava: pierapiska całkam sinchranizavanaja z «UKantakcie»

Źleva: uvachod praz «UKantakcie». Pa centry: vakoł nul siabroŭ, što nie dziŭna dla aŭtara, jaki pieravažna karystajecca Facebook. Sprava: pierapiska całkam sinchranizavanaja z «UKantakcie»

Na raspracoŭku prahramy aŭtar patraciŭ hrant, što atrymaŭ na konkursie «100 idej dla Biełarusi». Pa słovach Paŭła Bacyleva, jamu daviałosia pabyvać u ZŠA, ale jon tam nikoli b nie zastaŭsia, bo «patryjot svajoj krainy».

Kiraŭnictva BRSM prasiła nie turbavać Paŭła ź intervju.

***

Na čarhovym respublikanskim źjeździe BRSM, što prajšoŭ 19-20 studzienia ŭ Minsku, Alaksandr Łukašenka zajaviŭ, što «internet nie pavinien być tolki srodkam znosin». Tamu BRSM płanuje raspracavać jak maha bolš navučalnych prahram (u tym liku ŭ śfiery finansaŭ i prava), karysnych dla studentaŭ i školnikaŭ. Siarod inšych pradstaŭlenych siabrami BRSM raspracovak — mabilny «Pamočnik turysta» (samyja raspaŭsiudžanyja frazy pa-anhlijsku) Ivana Klačkoŭskaha, płatforma dla sajtaŭ Quisety Alaksandra Tumoŭskaha, Students Helper (raskład zaniatkaŭ, navučalnaja litaratura i šparhałki) Andreja Chramcova.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?