Los Danieckaha aeraporta moža vyrašycca ŭ najbližejšyja hadziny, fota Siarhieja Łojki (kp.ua)
Pra padziei ŭ Danieckim aeraporcie paviedamlaje ŭ svaim fejsbuku redaktar Cenzar.niet Juryj Butusaŭ
«Daniecki aeraport, abstanoŭka na 17.40 (18:40 pa Minsku), 15 studzienia.
Kontrataka «kibarhaŭ» u novym terminale! … Siońnia dniom u aeraport na dapamohu abaroncam prybyło śviežaje padraździaleńnie našych desantnikaŭ.
«Kibarhi» (ukrainskija abaroncy aeraporta) trymajucca z apošnich sił, fota Siarhieja Łojki.
Hadzinu tamu ŭkrainskija padraździaleńni ŭ novym terminale raspačali kontrataku na druhi pavierch terminała, kab adkinuć šturmavyja hrupy rasijskaj bryhady «Sparta».
U žorstkim blizkim bai praciŭnik byŭ vybity z bolšaści pamiaškańniaŭ na druhim paviersie, jaki maje klučavoje taktyčnaje značeńnie dla ŭtrymańnia budynka.
Biaźlitasny blizki boj z bujnymi siłami piachoty praciŭnika siońnia praciahvajecca ŭvieś dzień, i praciahvajecca ŭ hetyja chviliny. Niekalki razoŭ amal dachodziła da rukapašnaj - praciŭnikaŭ padzialali 3-5 mietraŭ. Heta realny Stalinhrad ŭ 21-m stahodździ.
Fota Siarhieja Łojki, kp.ua
Kantrol za terminałam u našych rukach. Supiernik ustalavaŭ ściahi «DNR» na krai budynka, i zachoŭvaje pazicyi ŭ padvale novaha terminała, na trecim paviersie. Ustanoŭka ściahoŭ - heta adziny «pośpiech» praciŭnika za dzień.
Čarhovy 156-y «zachop aeraporta» «Mataroły» skončyŭsia tym ža, što i ŭsie papiarednija šturmy. Rasijskija atrady panieśli vialikija straty. Novy terminał pad našym kantrolem, adstupać z terminału našy vojski nie źbirajucca…»
