U Biełarusi siońnia niama padatkaŭ, jakija varta było b admianiać. Takoje mierkavańnie ŭ chodzie anłajn-kanfierencyi «Napramki padatkovaj palityki ŭ Biełarusi ŭ 2015 hodzie» na sajcie BiełTA vykazaŭ namieśnik ministra finansaŭ Dźmitryj Kijko.
«Ciapier padatkovaja reforma zavieršana. U nas niama škodnych padatkaŭ dla ekanomiki, jakija treba admianiać. Da 2010 hoda byŭ padatak z prodažaŭ, jaki dubliravaŭ PDV, byli adličeńni z vyručki ŭ sielhasfond, darožny fond. My z pośpiecham ad ich admovilisia, tamu siońnia skład padatkaŭ možna ličyć aptymalnym», — skazaŭ namieśnik kiraŭnika viedamstva.
Jon źviarnuŭ uvahu, što ŭ Biełarusi dachody biudžetu farmirujuć 5-7 asnoŭnych padatkaŭ. Pry hetym płacielščyki pavinny vypłačvać ich nie ŭ kožnym vypadku, inakš kažučy, naprykład, PDV i padatak na prybytak datyčycca ažyćciaŭleńnia biahučaj dziejnaści, a akcyzy — tolki tych pradpryjemstvaŭ, jakija vyrablajuć i realizujuć padakcyznyja tavary. Akramia taho, pa padatkach, jakija prymianiajucca ŭ Biełarusi, davoli libieralnyja terminy vypłaty — praktyčna pa ŭsich jany štokvartalnyja.
Dźmitryj Kijko kanstatavaŭ: «Havaryć ab tym, što nam nieabchodna admianić niejki padatak, u pryncypie, niama padstaŭ». Śviedčańniem taho źjaŭlajecca paśpiachovy ruch krainy ŭ rejtynhu Suśvietnaha banka Doing Business.
«U nas kolkaść padatkovych vypłat u hod — 7, što značna nižej navat za raźvityja krainy», — skazaŭ namieśnik ministra. Choć rašeńniaŭ ab skaračeńni kolkaści padatkaŭ u Biełarusi prymać nie treba, adznačyŭ namieśnik ministra, nie vyklučajecca mahčymaść udaskanalić administravańnie miechanizmaŭ spahnańnia kožnaha padatku. «Naprykład, u ramkach ekałahičnaha mahčyma dalejšaje skaračeńnie abjektaŭ padatkaabkładańnia, jak i ŭ ramkach inšych padatkaŭ», — reziumavaŭ Dźmitryj Kijko.
