U Minsku na pieryjad vykanańnia rabot pa pieranosie inžyniernych sietak u suviazi z budaŭnictvam 3-j linii mietrapalitena i zakryćciom tramvajnaha ruchu pa vuł. Uljanaŭskaj i Babrujskaj z 1 lutaha 2015 h. da zakančeńnia rabot (prykładna da 10 červienia 2015) admianiajecca praca tramvajnych maršrutaŭ №№ 1, 2, 4, 7.
Pra heta paviedamili ŭ pres-słužbie Minharvykankama.
U metach kampiensacyi źniataha tramvajnaha ruchu arhanizujecca rabota časovaha aŭtobusnaha maršrutu №901 «DS Družnaja — Z. Biaduli» z rucham pa vuł. Tałstoha, pł. Miaśnikova, Babrujskaj, Uljanaŭskaj, Pieršamajskaj, Z. Biaduli.
Adnačasova budzie praduhledžana istotnaje pavieličeńnie kolkaści ruchomaha składu na tramvajnych maršrutach №№ 3, 6, 11. Tramvajny maršrut №11 časova pieravodzicca na kruhładzionny i štodzionny režym pracy.
U Minharvykankamie źviartajuć uvahu na toje, što pasažyram treba ŭličvać dadzienuju infarmacyju pry płanavańni nabyćcia prajaznych biletaŭ.
