U chodzie praviadzieńnia apieratyŭna-vyšukovych mierapryjemstvaŭ pa pošuku bieź viestak źnikłaj žycharki Viciebska 1982 hoda naradžeńnia supracoŭnikami kryminalnaha vyšuku była atrymana infarmacyja ab tym, što jana stała achviaraj złačynstva.
Jak paviedamlajuć USK pa Viciebskaj vobłaści i UUS Viciebskaha abłvykankama, u chodzie pravierki hetaj infarmacyi było ŭstanoŭlena, što dvoje raniej sudzimych za ŭčynieńnie majomasnych złačynstvaŭ žycharoŭ Viciebska 1982 i 1989 hadoŭ naradžeńnia ŭčynili zabojstva žančyny ŭ vioscy Alaksandrava Biešankovickaha rajona, paśla čaho trup rasčlanili i zakapali na terytoryi prysiadzibnaha ŭčastka.
Padazronyja zatrymany.
Pa hetym fakcie śledčym upraŭleńniem USK pa Viciebskaj vobłaści raspačata sprava pa p. 6 i 15 č. 2 art. 139 KK (zabojstva, učynienaje z asablivaj žorstkaściu hrupaj asob).
Pry ahladzie miesca zdareńnia śledčymi byli znojdzieny astanki zahinułaj. Pa kanfiskavanych ź miesca zdareńnia rečavych dokazach śpiecyjalistam Dziaržaŭnaha kamiteta sudovych ekśpiertyz daručana praviadzieńnie šerahu daśledavańniaŭ, u tym liku sudova-miedycynskaj, miedyka-kryminalistyčnaj i sudova-hienietyčnaj ekśpiertyzy.
Zatrymanyja asoby dapytany ŭ jakaści padazronych. Jany pryznalisia va ŭčynienym.
Śledčyja praciahvajuć pracu pa adnaŭleńni karciny zdareńnia: sumiesna z apieratyŭnymi supracoŭnikami pravodziać vobyski, dapytvajuć žycharoŭ vioski, prymajuć miery dla vyšuku pryłady ŭčynieńnia złačynstva.