Hladzieć u zvyšvysokim razroźnieńni
Kab adpravicca ŭ virtualny horad Łos-Santas, karystalnikam piersanalnych kampjutaraŭ pryjdziecca čakać amal da Dnia Voli albo kuplać kansoli Playstation ci Xbox, dla jakich GTA 5 vyjšła 16 miesiacaŭ tamu. Adnačasova z GTA 5 vyjdzie i GTA Online.
Pieranos daty vychadu raspracoŭščyki tłumačać nieabchodnaściu dadatkovaha trestavańnia i «paliroŭki» parta hulni, što pieršapačatkova raspracoŭvałasia dla kansolaŭ. Jany spakušajuć hulcoŭ zdymkami z hulni ŭ razroźnieńni 4K (viersija dla PK budzie padtrymlivać i takoje razroźnieńnie), na jakich možna litaralna razhladzieć brud pad paznohciami.
Kab prahulacca pa Łos-Santasie, nie spatrebicca ekstraardynarnaje «žaleza». Minimalnyja sistemnyja patrabavańni uklučajuć pracesary Intel Core 2 Quad CPU Q6600 ci AMD Phenom 9850 Quad-Core, 4 Hb apieratyŭnaj pamiaci i videakartki NVIDIA 9800 GT ci AMD HD 4870 z 1 Hb videapamiaci. Rekamiendavanaje «žaleza» – Intel Core i5 3470 ci AMD X8 FX-8350, 8 Hb «apieratyŭki» i NVIDIA GTX 660 albo AMD HD7870 z 2 Hb videapamiaci. Dla hulni spatrebicca cełych 65 Hb pamiaci na vinčestery.
Hladzieć u zvyšvysokim razroźnieńni
Hladzieć u zvyšvysokim razroźnieńni
Hladzieć u zvyšvysokim razroźnieńni
Niahledziačy na toje, što GTA 5 nie vychodziła dla piersanalnych kampjutaraŭ, hulnia staviła rekord za rekordam pa prodažach. Za pieršy dzień prodažy dasiahnuli 800 miljonaŭ dalaraŭ, a na maj 2014 hoda skłali amal 2 miljardy dałraŭ.
Vierahodna, na siońniašni dzień prodažy GTA 5, z ulikam zapusku na novych płatformach, pieravysili kasavyja zbory filma «Tytanik» (2,187 młrd dalaraŭ) i mahčyma navat nablizilisia da zboraŭ samaha kasavaha filma za historyju — «Avatara» (2,787 młrd dalaraŭ).
U GTA 5 hulec volny daśledvać adkryty śviet płoščaj ź Viciebsk ci Homiel. Pryniać pryjdziecca pa čarzie try altar-eha: byłoha rabaŭnika bankaŭ, a ciapier niaŭdałaha siemjanina Majkła, čarnaskuraha hanhstara Franklina i lotčyka-varjata Trevara. Troica abjadnajecca, kab spłanavać i ździejśnić novyja hrandyjoznyja złačynstvy.
Hladzicie taksama: GTA-art: hulcy zanialisia fotamastactvam u samaj kasavaj hulni śvietu